كتب رئيس مكتب الرياضة في حزب القوات اللبنانية لمناسبة عيد الأستقلال ال ٨١ عبر منصة X : لأنّ الاستقلال الحقيقي مش احتفالات وزينة، الاستقلال هو دولة قويّة قادرة، دولة قرارها بإيد مؤسساتها، مش جايي من دول تانية. دولة هدف كل أبناؤها مصلحة الوطن، مش خدمة مصالح دول غريبة، قريبة أو بعيدة.
وتابع: لكن للأسف، بلدنا اليوم مكبّل بالفساد، بالتدخلات الخارجية، وبالسلاح غير الشرعي اللي عم يخدم مشاريع لا لبنانية ولا وطنية، حتى لو كان حاملينه لبنانيين عالهويّة.
وقال: فرغم كل الحروب، الأزمات، والارتهانات، الأمل بعده موجود.
وأضاف: موجود لأن تضحيات اللي سبقونا ما بترخص ولا بتنتهي، ولأننا نحنا الشعب اللبناني المقاومة الحقيقية، قادرين نوصل لدولة حقيقية واستقلال كامل.
وختم : رح نبقى صوت الحق، ورح نكمل نسعى ونقاوم لنوصل لوطن سيد، حر، ومستقل، مهما كانت الطريق صعبة والتضحيات كبيرة.
كل عيد استقلال ولبنان أقرب لحلمنا المشترك.
