لم تنشف دموع منطقة الطريق الجديدة بعد منذ ايام. الشاب درويش لمع، صاحب الضحكة الجميلة رحل بطريقة بشعة. درويش شاب في ربيع عمره انصرف عن أهله وعائلته بعد، بحادث سير مروّع.
وفي التفاصيل التي كشف احد اصدقائه بمنشور له على فايسبوك، فإنّ الشاب اصطدم ليلا وهو على الدراجة النارية بشاحنة كانت مركونة على جنب الطريق، بمحل “ممنوع الوقوف” فيه.
وحمّل الشاب مسؤولية وفاة صديقه للحكومة وبلدية بيروت، كاشفا ان الشاحنة التي توقفت في المكان الممنوع مدعومة من فريق سياسي معين يحاول ان يلف القضية.
وكتب على حسابه الخاص: “بدنا نعتذر منكم شوي ومن تحليلاتكم للحرب الاوكرانية لنخبركم عن الشاب درويش لمع اللي توفى من كم يوم. درويش متله متل هالشباب المعتر اللي انضربت حياته بهيدا البلد واللي مضطر يتنقل على الدراجة النارية ليخفف مصاريف على حاله… للأسف درويش كان ضحية لحادث سير علي الدراجة وقت ضرب ليلاً بكميون واقف على جنب الطريق بمحل ممنوع الوقوف بين الطيونة وشاتيلا جنب حرش بيروت، ولأن الشركة صاحبة الكميون مدعومة من فريق سياسي معين، الأجهزة المعنية بالدولة عم تجرب تلفلف القضية وتضبها كرمال ما يتحاسب الفاعلين ويتاخد حقه لدرويش، واللي بيقطع بالمنطقة هونيك بيعرف انو في إهمال واضح لبلدية بيروت بسبب عدم إضاءة الطريق والسماح لشاحنات هيدي الشركة انو يركنوا سياراتهم على الطريق جنب الحرش مما يخليها تصير ضيقة وعتمة ويخلي اللي بيقطع من الطريق من هونيك عرضة للحوادث. رفاق وأهل درويش بطريق الجديدة ما رح يسكتوا عن الموضوع إلى حين تحقيق المحاسبة والعدالة له”.
