د.طوني ميشال عيسى: منفرح ومنشوف حالنا بيلي حققوه ولادنا..بس الفرحة ما بتكمل

كتب رئيس مجموعة “أي بي تي” للطاقة الدكتور طوني ميشال عيسى عبر صفحته على فايسبوك “بسبب وضع كورونا بألمانيا ما قدرت وفيت بوعدي لساندرا انو كون موجود بمناسبة تخرجها أول طبيبة أسنان بعيلتنا، مع مروان وطونيا واخواتها كريستا وماري جو.. كمان ساندرا كانت وعدتنا انو تتخصص بفرانكفورت ولكن ترجع علبنان وتفتح عيادة الها وتصير كل عيلتنا عندها.. مش مهم انو انا ما قدرت اوفي بوعدي. بس الصعب انو ساندرا ما رح تقدر كمان. رح نخسر ساندرا معنا متل ما خسرنا اخوتها وولاد عماتها قبلها يلي تخرجوا وتركونا.. تقريبا كل عيلة بلبنان عم تعيش ذات القصة.. منفرح ومنشوف حالنا بيلي حققوه ولادنا. بس الفرحة ما بتكمل.. عكل حال اليوم هوي بس للفرح. مبروك من القلب الك دكتورة ساندرا مبروك لطونيا ومروان. كل عيلتنا فرحانة فيكي.”