كتب رئيس مجموعة “أي بي تي” للطاقة الدكتور طوني ميشال عيسى متوجهاً للدكتورة دارينا صليبا أبي شديد مدير المركز الدولي لعلوم الانسان الاونيسكو في جبيل وقال : البلد خربان والحالة عنا قايمة قاعدة، ودارينا صليبا مشغولة بتنظيم مؤتمر دولي لتصويب العلوم الإنسانية في العالم بعد الوباء ، حوالي ٢٠ خبير من كل العالم عم يناقشوا أهم المواضيع يلي عم تشغل بال الإنسانية من قلب مدينة الحرف.
وتابع عيسى قائلاً : صيت اللبنانيي انو بيبرعوا بالخارج وبيحتلوا أهم المراكز ، دارينا مصرة انو تحافظ على الصيت هيي وهون وبقلب مدينتها وبهيدا الظرف.
وأضاف ، لبنان أكتر من أي وقت بحاجة لشغل من النوع يلي عم تعملوا الدكتورة دارينا من موقعها كمديرة المركز الدولي لعلوم الإنسان اليونيسكو بجبيل حتى يضل صيت لبنان واللبنانيي هيك بالداخل قبل الخارج.
وختم قائلاً : بالمناسبة هيدا الصيت هوي معنى وجود لبنان وسبب استمراره.