كتبت كاترينا حاكمة في موقع “بيروت”: أهل جبيل عندن لغتن الخاصة فين، بس مش كل الناس بتعرف تحكيها.
1. في سوبرماركت وحدة بس بالدني: سوبرماركت جبيل
2. بين كل كلمة وكلمة بدا تقطع كلمة أيش
3. وأكيد ما رح تسمع حدا بقول مي، الكل بقول موي
4. الصبحية عند الجيران مقدسة: أكيد مع فنجان قهوة وحكي على الجيران
5. النزلة على السوق يومية
6. بالصيف في كتير كتير شوب وبالشتوية الدفا عفا
7. بكل حديث نهار الأحد على الطاولة بدها تنجاب سيرة زياد حواط: يعني ما في مجال
8. بيحكو مزيج بين الكسرواني والشمال بس أوعى تقلن هيك
9. جبيل بالنسبة إلن العاصمة والضيع لي على العالي جبل: ترتج، جاج، مشمش، حصارات، شامات، غلبون …
10. عطول بتسمع هل جملة: جبيل ما ناقصها شي غير مول
11. وكمان هي: جبيل أحلى مدينة بكل لبنان
12. أكيد إمك وبيك أصحاب مع لي بيشتغلوا بصيدلية الرحباني
13. معقول تكون مظبوط من جبيل وما بتعرف بيك جوكي؟
14. أكيد أطيب بوظة عند النشواتي (لي ما حدا بيعرفوا غير الجبيلي)
15. أكيد قضيت نص عمرك تجيب سيديات وألعاب من عند أغوب حد السنترال (كمان ما حدا بيعرفوا غير الجبيلي)
16. اكيد كل ما تشوف السواح عم بصوروا السوق بتقول بينك وبين حالك: إيش بهن أول مرة بشوفوا سوق بحياتن
17. كل شي من بعد جبيل بسموا بيروت
18. بيحسسوك إنو مار شربل لإلن وبس
19. أكيد أول محل فتحت عيونك على هوي القدوم وبعدو بالنسبة إلك أول وآخر محل
20. بترك فترة الميلاد لأن بصير يجي كتير غرب على المنطقة ليشوفوا الشجرة
21. أطيب منقوشة عند فرن مخلوف.
22. كسار بالنسبة إلك أهم مطعم بالدني.
23. رح تسمع كلمات غريبة عجيبة منك سامعها ببيروت: ششما، قديس بسكوان، قحاطة…
24. أكيد أطيب ساب مارين مغطسة بالمايونيز من عند “سناك مايك”.
25. بالنسبة لكل جبيلي، جبيل جنة على الأرض ما في يعيش بلاها وبالنسبة إلنا كمان.
