كتب الزميل الصحافي عبدو متى : إنتَ مين ؟
إنت مين حتى هالقد منك عم نغار ؟ إنت مين خبرنا ؟ كيف ماشي عكس الدولة ؟ كيف بيحقلك تعطي كهربا ٢٤/٢٤
للناس ضمن منطقتك ودولتنا العلية بالكاد عم بتأمن ٤ ساعات بل ٢٤ ساعة؟ إنت مين حتى الفاتورة الشهرية للمولدات الكهربائية ضمن إمتيازك اقل ب ٤٠ و ٥٠ بالمية عن غيرك ؟ انت مين حتى توصّل المساعدات الغذائية للمواطنين من دون تمييز بهل وضع الاقتصادي الصعب يللي عمن عيشوا؟ انت مين حتى بس تعرف في شخص ببلاد جبيل بحاجة لدوا وما عم يقدر يشتري بيكون وصلو ؟ انت مين حتى تفوّل سيارات المواطنين بالبنزين بأزمة المحروقات يللي غيرك بالكاد يعبي للناس ب ٧٠ الف ليرة ؟ إنت مين ت مطرح ما بكون موجود بسمع الناس عم تشكر فيك وتدعيلك بالصحة وتطلب من ربنا يبعد عنك انت وعيلتك ولاد الحرام ؟
إنت مين حتى كل شخص بيتمنى يكون موظف بمؤسستك من بعد ما يعرف كيف بتعامل موظفينك كأب وأخ ؟ إنت مين يللي منّك طالب لا جاه ولا مركز ؟ إنت مين يللي وصلتلك النيابة عا طبق من فضّة ورفضتها ؟ إنت مين حتى صمدت وبقيت صلب بوج كل يللي حاربوك من مسؤولين ورأسماليين غيورين؟إنت مين حتى يصادف تاريخ شراءك شركة الوردية للمحروقات مع تاريخ وفاة زوجتك ( واسمحلي قلك أختي ) يللي كانت منورة بجمالها الخُلقي والخَلقي بشهادة كل مين تعرّف عليها؟ إنت مين ؟ خبّرنا حتى منك نبطّل نغار ؟ إنت مين ؟ إنت مين إيلي باسيل ؟
