كتبت الإعلامية لارا سليمان نون على الفايسبوك : إجاني اتصال من اختو للشهيد جو نون نهار العيد:
– ألو، لارا انتو طالعين عالجبل؟
– طالعين يا نانسي، خير حبيبتي حدا صايبو شي؟
– جاوبتني بغصة: لأ لأ، خيي جو حابب يعيّد ولادِك متل كل سنة…
وصلت عالبيت، لقيت الهدايا عالباب… وما لقيت جو…
اختنقت… بكيت…
ركضت بنتي لوتشيا تصرخ وتقول عالعالي، هيدا جو البطل جبلنا هدايا، بس كيف يا ماما هوي وبالسما جاب الهدايا؟
قلتلا: أحلى هدايا يا امي هيي هدايا السما… وبكرا بتشوفي انو الناس يلي راحو عالسما… هني اكتر ناس بيجيبولنا هدايا…
فتت على غرفتي وعم فكر:
كيف ناس موجوعة قادرة تزرع فرحة بقلوب الناس…
كيف ناس لهلق بعدا مش عارفة الحقيقة… قادرة تضوي عحقايق ومعجزات بقلوبنا…
كيف ناس الحريق ما عم ينطفي بقلوبن… قادرة تولع قلوب الناس بالحب…
جو نون… هالمرة انت ما دقيت بابي لتعطيني الهدية متل كل سنة… هالمرة انت الهدية!!!!!!
ميلاد مجيد انت وخيي شربل بالسما… بحبكن!
